סדר תפילות בעצרת תפילה וזעקה על שלימות התורה, העם והארץ

פרקי תהילים

פרק קכ

א שִׁ֗יר הַֽמַּ֫עֲל֥וֹת אֶל־֖יְהֹוָה בַּצָּרָ֣תָה לִּ֑י קָרָ֗אתִי וַֽיַּֽעֲנֵֽנִי:
ב יְֽהֹוָ֗ה הַצִּ֣ילָה נַפְשִׁי מִשְׂפַת־ שֶׁ֑קֶר מִלָּשׁ֥וֹן רְמִיָּֽה:
ג מַה־יִּתֵּ֣ן לְךָ וּמַה־יֹּסִ֥יף לָ֗ךְ לָשׁ֥וֹן רְמִיָּֽה:
ד חִצֵּ֣י גִבּ֣וֹר שְׁנוּנִ֑ים עִ֗ם גַּֽחֲלֵ֥י רְתָמִֽים: ה אֽוֹיָה־֖לִי כִּי־גַ֣רְתִּי מֶ֑שֶׁךְ שָׁכַ֗נְתִּי עִֽם־אָהֳלֵ֥י קֵדָֽר:
ו רַבַּת שָֽׁכְנָה־לָּ֣הּ נַפְשִׁ֑י ֜עִ֗ם שׂוֹנֵ֥א שָׁלֽוֹם:
ז אַנִי־֖שָׁלוֹם וְכִ֣י אֲדַבֵּ֑ר הֵ֗מָּה לַמִּלְחָמָֽה:

פרק קכא

א שִׁ֗יר לַֽמַּ֫עֲל֥וֹת אֶשָּׂ֣א ֖עֵינַי אֶל־הֶֽהָרִ֑ים מֵאַ֗יִן יָבֹ֥א עֶזְרִֽי:
ב עֶזְרִי מֵעִ֣ם יְהֹוָ֑ה עֹשֵׂ֗ה שָׁמַ֥יִם וָאָֽרֶץ:
ג אַל־יִתֵּ֣ן לַמּ֣וֹט רַגְלֶ֑ךָ אַל־֜יָנ֗וּם שֹֽׁמְרֶֽךָ:
ד הִנֵּ֣ה לֹֽא־֖יָנוּם וְלֹ֣א יִישָׁ֑ן שׁוֹמֵ֗ר יִשְׂרָאֵֽל:
ה יְהֹוָ֥ה שֹֽׁמְרֶ֑ךָ יְהֹוָ֥ה צִלְּךָ֗ עַל־יַ֥ד יְמִינֶֽךָ:
ו יוֹמָ֗ם הַשֶּׁ֥מֶשׁ לֹֽא־יַכֶּ֗כָּה וְיָרֵ֥חַ בַּלָּֽיְלָה:
ז יְֽהֹוָ֗ה יִשְׁמָרְךָ֥ מִכָּל־רָ֑ע יִשְׁמֹ֗ר אֶת־נַפְשֶֽׁךָ:
ח יְֽהֹוָ֗ה יִשְׁמָר־צֵֽאתְךָ֥ וּבוֹאֶ֑ךָ מֵֽעַתָּ֗ה וְעַד־עוֹלָֽם:

פרק קכב

א שִׁ֥יר הַֽמַּֽעֲל֗וֹת לְדָ֫וִ֥ד שָׂמַחְתִּי בְּאֹֽמְרִ֣ים לִ֑י בֵּ֖ית יְהֹוָ֣ה נֵלֵֽךְ:
ב עֹֽמְדוֹת הָי֣וּ רַגְלֵ֑ינוּ בִּשְׁעָרַ֗יִךְ יְרֽוּשָׁלִָֽם:
ג יְרֽוּשָׁלִַ֥ם הַבְּנוּיָ֑ה כְּעִ֗יר שֶֽׁחֻבְּרָה־לָּ֥הּ יַחְדָּֽו:
ד שֶׁשָּׁ֨ם עָל֪וּ שְׁבָטִ֡ים שִׁבְטֵי־֖יָהּ עֵד֣וּת לְיִשְׂרָאֵ֑ל לְהֹד֗וֹת לְשֵׁ֣ם יְהֹוָֽה:
ה כִּ֤י שָׁ֨מָּה | יָֽשְׁב֣וּ כִסְא֣וֹת לְמִשְׁפָּ֑ט כִּסְא֗וֹת לְבֵ֣ית דָּוִֽד:
ו שַֽׁאֲלוּ שְׁל֣וֹם יְרֽוּשָׁלִָ֑ם יִשְׁלָ֗יוּ אֹֽהֲבָֽיִךְ:
ז יְהִֽי־שָׁל֥וֹם בְּחֵילֵ֑ךְ שַׁלְוָ֗ה בְּאַרְמְנוֹתָֽיִךְ:
ח לְמַעַן אַחַ֣י וְרֵעָ֑י אֲדַבְּרָה־נָּ֖א שָׁל֣וֹם בָּֽךְ:
ט לְמַעַן בֵּית־יְהֹוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ:

פרק קכג

א שִׁ֗יר הַֽמַּ֫עֲל֥וֹת אֵלֶיךָ נָשָׂ֣אתִי אֶת־עֵינַ֑י הַיֹּֽשְׁבִ֗י בַּשָּׁמָֽיִם:
ב הִנֵּ֨ה כְעֵינֵ֪י עֲבָדִ֡ים אֶֽל יַ֤ד אֲדֽוֹנֵיהֶ֗ם:
ג כְּעֵינֵ֣י שִׁפְחָה֘ אֶֽל יַ֪ד גְּבִ֫רְתָּ֥הּ כֵּ֣ן עֵינֵינוּ אֶלֽ יְהֹוָ֣ה אֱלֹהֵ֑ינוּ עַ֗ד שֶׁיְּחָנֵּֽנוּ:
ג חָנֵּ֣נוּ יְהֹוָ֣ה חָנֵּ֑נוּ כִּֽי֜ רַ֗ב שָׂבַ֥עְנוּ בֽוּז:
ד רַבַּת֘ שָֽׂבְעָה לָּ֪הּ נַ֫פְשֵׁ֥נוּ הַלַּ֥עַג הַשַּֽׁאֲנַנִּ֑ים הַבּ֗וּז לגאיונים לִגְאֵ֥י יוֹנִֽים:

פרק קכד

א שִׁ֥יר הַֽמַּֽעֲל֗וֹת לְדָ֫וִ֥ד לוּלֵ֣י יְהֹוָה שֶׁהָ֣יָה לָ֑נוּ יֹֽאמַרֽ֜ נָ֗א יִשְׂרָאֵֽל:
ב לוּלֵ֣י יְהֹוָה שֶׁהָ֣יָה לָ֑נוּ בְּק֖וּם עָלֵ֣ינוּ אָדָֽם:
ג אֲזַי חַיִּ֣ים בְּלָע֑וּנוּ בַּֽחֲר֖וֹת אַפָּ֣ם בָּֽנוּ:
ד אֲזַי הַמַּ֣יִם שְׁטָפ֑וּנוּ נַ֗חְלָה עָבַ֥ר עַל נַפְשֵֽׁנוּ:
ה אֲזַי עָבַ֣ר עַל נַפְשֵׁ֑נוּ הַמַּ֗יִם הַזֵּֽידוֹנִֽים:
ו בָּר֥וּךְ יְהֹוָ֑ה שֶׁלֹּ֥א נְתָנָ֥נוּ טֶ֗רֶף לְשִׁנֵּיהֶֽם:
ז נַפְשֵׁ֗נוּ כְּצִפּ֥וֹר נִמְלְטָה֘ מִפַּ֪ח יֽ֫וֹקְשִׁ֥ים הַפַּ֥ח נִשְׁבָּ֗ר וַֽאֲנַ֥חְנוּ נִמְלָֽטְנוּ:
ח עֶזְרֵנוּ בְּשֵׁ֣ם יְהֹוָ֑ה עֹשֵׂ֗ה שָׁמַ֥יִם וָאָֽרֶץ:

פרק קכה

א שִׁ֗יר הַֽמַּ֫עֲל֥וֹת הַבֹּֽטְחִ֥ים בַּֽיהֹוָ֑ה כְּֽהַר־ צִיּ֥וֹן לֹֽא־֜יִמּ֗וֹט לְעוֹלָ֥ם יֵשֵֽׁב:
ב יְֽרוּשָׁלִַ֗ם הָרִים֘ סָבִ֪יב לָ֥הּ וַֽיהֹוָה סָבִ֣יב לְעַמּ֑וֹ מֵֽעַתָּ֗ה וְעַד־ עוֹלָֽם:
ג כִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֘ גּוֹרַ֪ל הַֽצַּדִּ֫יקִ֥ים לְמַ֡עַן לֹֽא־יִשְׁלְח֖וּ הַצַּדִּיקִ֨ים בְּעַוְלָ֬תָה יְדֵיהֶֽם:
ד הֵיטִ֣יבָה יְהֹוָה לַטּוֹבִ֑ים וְלִֽישָׁרִ֗ים בְּלִבּוֹתָֽם:
ה וְהַמַּטִּ֤ים עַקַלְקַלּוֹתָ֗ם יֽוֹלִיכֵ֣ם יְהֹוָה אֶת־פֹּֽעֲלֵ֣י הָאָ֑וֶן שָׁל֗וֹם עַל־ יִשְׂרָאֵֽל:

פרק קכו

א שִׁ֗יר הַֽמַּ֫עֲל֥וֹת בְּשׁ֣וּב יְהֹוָה אֶת־שִׁיבַ֣ת צִיּ֑וֹן הָיִ֗ינוּ כְּחֹֽלְמִֽים:
ב אָ֤ז יִמָּלֵ֪א שְׂח֡וֹק פִּינוּ֘ וּלְשׁוֹנֵ֪נוּ רִ֫נָּ֥ה אָז יֹֽאמְר֣וּ בַגּוֹיִ֑ם הִגְדִּ֥יל יְהֹוָ֗ה לַֽעֲשׂ֥וֹת עִם־אֵֽלֶּה:
ג הִגְדִּ֣יל יְהֹוָה לַֽעֲשׂ֥וֹת עִמָּ֗נוּ הָיִ֥ינוּ שְׂמֵחִֽים:
ד שׁוּבָ֣ה יְהֹוָה אֶת־שבותנו שְׁבִיתֵ֑נוּ כַּֽאֲפִיקִ֥ים בַּנֶּֽגֶב:
ה הַזֹּֽרְעִ֥ים בְּדִמְעָ֗ה בְּרִנָּ֥ה יִקְצֹֽרוּ:
ו הָ֘ל֤וֹךְ יֵלֵ֨ךְ | וּבָכֹה֘ נֹשֵׂ֪א מֶֽשֶׁךְ־ הַ֫זָּ֥רַע בֹּֽא־יָבֹ֥א בְרִנָּ֑ה נֹשֵׂ֗א אֲלֻמֹּתָֽיו:

 

אותיות ארץ ישראל

אַשְׁרֵ֥י תְמִֽימֵי־דָ֑רֶךְ הַהֹֽלְכִ֗ים בְּתוֹרַ֥ת יְהֹוָֽה:
אַשְׁרֵי נֹֽצְרֵ֥י עֵֽדֹתָ֗יו בְּכָל־לֵ֥ב יִדְרְשֽׁוּהוּ:
אַף לֹֽא־פָֽעֲל֣וּ עַוְלָ֑ה בִּדְרָכָ֥יו הָלָֽכוּ:
אַתָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד:
אַֽחֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ:
אָ֥ז לֹֽא־אֵב֑וֹשׁ בְּהַבִּיטִ֗י אֶל־כָּל־ מִצְוֺתֶֽיךָ:
אֽוֹדְךָ בְּיֹ֣שֶׁר לֵבָ֑ב בְּלָמְדִ֗י מִשְׁפְּטֵ֥י צִדְקֶֽךָ:
אֶת־חֻקֶּ֥יךָ אֶשְׁמֹ֑ר אַֽל־תַּעַזְבֵ֥נִי עַד־מְאֹֽד:

רְאֵֽה־עָנְיִ֥י וְחַלְּצֵ֑נִי כִּי־֜ת֥וֹרָתְךָ֗ לֹ֣א שָׁכָֽחְתִּי:
רִיבָ֣ה רִיבִי וּגְאָלֵ֑נִי לְאִמְרָֽתְךָ֥ חַיֵּֽנִי:
רָח֣וֹק מֵֽרְשָׁעִ֣ים יְשׁוּעָ֑ה כִּֽי־֜חֻקֶּ֗יךָ לֹ֣א דָרָֽשׁוּ:
רַֽחֲמֶ֖יךָ רַבִּ֥ים| יְהֹוָ֑ה כְּֽמִשְׁפָּטֶ֥יךָ חַיֵּֽנִי:
רַבִּים רֹֽדְפַ֣י וְצָרָ֑י מֵעֵֽדְוֺתֶ֗יךָ לֹ֣א נָטִֽיתִי:
רָאִ֣יתִי ֖בֹֽגְדִים וָֽאֶתְקוֹטָ֑טָה אֲשֶׁ֥ר אִמְרָֽתְךָ֗ לֹ֣א שָׁמָֽרוּ:
רְאֵה כִּֽי־פִקּוּדֶ֣יךָ אָהָ֑בְתִּי יְהֹוָ֗ה כְּֽחַסְדְּךָ֥ חַיֵּֽנִי:
אשׁ־דְּבָֽרְךָ֥ אֱמֶ֑ת וּלְעוֹלָ֗ם כָּל־מִשְׁפַּ֥ט צִדְקֶֽךָ:

צַדִּ֣יק אַתָּ֣ה יְהֹוָ֑ה וְיָשָׁ֗ר מִשְׁפָּטֶֽיךָ:
צִוִּיתָ צֶ֣דֶק עֵֽדֹתֶ֑יךָ וֶֽאֱמוּנָ֥ה מְאֹֽד:
צִמְּתַ֥תְנִי קִנְאָתִ֑י כִּֽי־שָׁכְח֖וּ דְבָרֶ֣יךָ צָרָֽי:
צְרוּפָ֖ה אִמְרָֽתְךָ֥ מְאֹ֗ד וְֽעַבְדְּךָ֥ אֲהֵבָֽהּ:
צָעִ֣יר אָֽנֹכִ֣י וְנִבְזֶ֑ה פִּקֻּדֶ֗יךָ לֹ֣א שָׁכָֽחְתִּי:
צִדְקָֽתְךָ֣ צֶ֣דֶק לְעוֹלָ֣ם וְֽתוֹרָתְךָ֥ אֱמֶֽת:
צַר־וּמָצ֥וֹק מְצָא֑וּנִי מִצְוֺתֶ֗יךָ שַֽׁעֲשֻׁעָֽי:
צֶ֖דֶק עֵֽדְוֺתֶ֥יךָ לְעוֹלָ֗ם הֲבִינֵ֥נִי וְאֶֽחְיֶֽה:

יָדֶ֣יךָ עָשׂוּנִי וַֽיְכוֹנְנ֑וּנִי הֲבִינֵ֗נִי וְאֶלְמְדָ֥ה מִצְוֺתֶֽיךָ:
יְרֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָֽרְךָ֣ יִחָֽלְתִּי:
יָדַ֣עְתִּי יְהֹוָה כִּי־צֶ֣דֶק מִשְׁפָּטֶ֑יךָ וֶֽאֱמוּנָ֗ה עִנִּיתָֽנִי:
יְהִי־נָ֣א חַסְדְּךָ֣ לְנַֽחֲמֵ֑נִי כְּאִמְרָֽתְךָ֥ לְעַבְדֶּֽךָ:
יְבֹא֣וּנִי רַֽחֲמֶ֣יךָ וְאֶֽחְיֶ֑ה כִּי־֜ת֥וֹרָתְךָ֗ שַֽׁעֲשֻׁעָֽי:
יֵבֹ֣שׁוּ זֵדִים כִּי־שֶׁ֣קֶר עִוְּת֑וּנִי אֲנִ֗י אָשִׂ֥יחַ בְּפִקּוּדֶֽיךָ:
יָשׁ֣וּבוּ לִ֣י יְרֵאֶ֑יךָ וידעו וְיֹֽדְעֵ֗י עֵֽדֹתֶֽיךָ: פיְהִֽי־לִבִּ֣י תָמִ֣ים בְּחֻקֶּ֑יךָ לְמַ֗עַן לֹ֣א אֵבֽוֹשׁ:

שָׂרִים רְדָפ֣וּנִי חִנָּ֑ם ומדבריך וּמִדְּבָֽרְךָ֗ פָּחַ֥ד לִבִּֽי:
שָׂ֣שׂ אָֽנֹכִי עַל־אִמְרָתֶ֑ךָ ֜כְּמוֹצֵ֗א שָׁלָ֥ל רָֽב:
שֶׁ֣קֶר שָׂנֵאתִי וָֽאֲתַעֵ֑בָה תּוֹרָֽתְךָ֥ אָהָֽבְתִּי:
שֶׁ֣בַע בַּיּוֹם הִלַּלְתִּ֑יךָ עַ֗ל מִשְׁפְּטֵ֥י צִדְקֶֽךָ:
שָׁל֣וֹם רָב לְאֹֽהֲבֵ֣י תֽוֹרָתֶ֑ךָ וְאֵֽין־לָ֥מוֹ מִכְשֽׁוֹל:
שִׂבַּ֣רְתִּי לִישׁוּעָֽתְךָ֣ יְהֹוָ֑ה וּֽמִצְוֺתֶ֥יךָ עָשִֽׂיתִי:
שָֽׁמְרָ֣ה נַפְשִׁי עֵֽדֹתֶ֑יךָ וָאֹֽהֲבֵ֥ם מְאֹֽד:
שָׁמַ֣רְתִּי פִקּוּדֶיךָ וְעֵֽדֹתֶ֑יךָ כִּ֖י כָל־דְּרָכַ֣י נֶגְדֶּֽךָ:

רְאֵֽה־עָנְיִ֥י וְחַלְּצֵ֑נִי כִּי־֜ת֥וֹרָתְךָ֗ לֹ֣א שָׁכָֽחְתִּי:
רִיבָ֣ה רִיבִי וּגְאָלֵ֑נִי לְאִמְרָֽתְךָ֥ חַיֵּֽנִי:
רָח֣וֹק מֵֽרְשָׁעִ֣ים יְשׁוּעָ֑ה כִּֽי־֜חֻקֶּ֗יךָ לֹ֣א דָרָֽשׁוּ:
רַֽחֲמֶ֖יךָ רַבִּ֥ים| יְהֹוָ֑ה כְּֽמִשְׁפָּטֶ֥יךָ חַיֵּֽנִי:
רַבִּים רֹֽדְפַ֣י וְצָרָ֑י מֵעֵֽדְוֺתֶ֗יךָ לֹ֣א נָטִֽיתִי:
רָאִ֣יתִי בֹֽגְדִים וָֽאֶתְקוֹטָ֑טָה אֲשֶׁ֥ר אִמְרָֽתְךָ֗ לֹ֣א שָׁמָֽרוּ:
רְאֵה כִּֽי־פִקּוּדֶ֣יךָ אָהָ֑בְתִּי יְהֹוָ֗ה כְּֽחַסְדְּךָ֥ חַיֵּֽנִי:
רֹאשׁ־דְּבָֽרְךָ֥ אֱמֶ֑ת וּלְעוֹלָ֗ם כָּל־מִשְׁפַּ֥ט צִדְקֶֽךָ:

אַשְׁרֵ֥י תְמִֽימֵי־דָ֑רֶךְ הַהֹֽלְכִ֗ים בְּתוֹרַ֥ת יְהֹוָֽה:
אַשְׁרֵי נֹֽצְרֵ֥י עֵֽדֹתָ֗יו בְּכָל־לֵ֥ב יִדְרְשֽׁוּהוּ:
אַף לֹֽא־פָֽעֲל֣וּ עַוְלָ֑ה בִּדְרָכָ֥יו הָלָֽכוּ:
אַתָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד:
אַֽחֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ:
אָ֥ז לֹֽא־אֵב֑וֹשׁ בְּהַבִּיטִ֗י אֶל־כָּל־ מִצְוֺתֶֽיךָ:
אֽוֹדְךָ בְּיֹ֣שֶׁר לֵבָ֑ב בְּלָמְדִ֗י מִשְׁפְּטֵ֥י צִדְקֶֽךָ:
אֶת־חֻקֶּ֥יךָ אֶשְׁמֹ֑ר אַֽל־תַּעַזְבֵ֥נִי עַד־מְאֹֽד:

לְעוֹלָ֥ם יְהֹוָ֑ה דְּבָֽרְךָ֗ נִצָּ֥ב בַּשָּׁמָֽיִם:
לְדֹ֣ר וָדֹר אֱמֽוּנָתֶ֑ךָ כּוֹנַ֥נְתָּֽ אֶ֗רֶץ וַֽתַּֽעֲמֹֽד:
לְֽמִשְׁפָּטֶיךָ עָֽמְד֣וּ הַיּ֑וֹם כִּ֖י הַכֹּ֣ל עֲבָדֶֽיךָ:
לוּלֵ֣י תוֹרָֽתְךָ שַֽׁעֲשֻׁעָ֑י אָ֗ז אָבַ֥דְתִּי בְעָנְיִֽי:
לְעוֹלָם לֹֽא־אֶשְׁכַּ֣ח פִּקּוּדֶ֑יךָ כִּ֥י בָ֗ם חִיִּיתָֽנִי:
לְֽךָ־֖אֲנִי הֽוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי:
לִ֤י קִוּ֣וּ רְשָׁעִ֣ים לְאַבְּדֵ֑נִי עֵֽדֹתֶ֗יךָ אֶתְבּוֹנָֽן:
לְֽכָל־ תִּכְלָה רָאִ֣יתִי קֵ֑ץ רְחָבָ֖ה מִצְוָֽתְךָ֣ מְאֹֽד:

פרק מב

א לַמְנַצֵּ֗חַ מַשְׂכִּ֥יל לִבְנֵי־קֹֽרַח:
ב כְּאַיָּ֗ל תַּֽעֲרֹ֥ג עַל־אֲפִֽיקֵי־מָ֑יִם כֵּ֤ן נַפְשִׁ֨י תַֽעֲרֹ֖ג אֵלֶ֣יךָ אֱלֹהִֽים:
ג צָֽמְאָ֬ה נַפְשִׁ֨י | לֵֽאלֹהִים֘ לְאֵ֪ל חָ֥י מָתַ֥י אָב֑וֹא וְאֵֽרָאֶ֗ה פְּנֵ֣י אֱלֹהִֽים:
ד הָֽיְתָה־לִּ֬י דִמְעָתִ֣י לֶחֶם יוֹמָ֣ם וָלָ֑יְלָה בֶּֽאֱמֹ֥ר אֵלַ֥י כָּל־ הַיּ֗וֹם אַיֵּ֥ה אֱלֹהֶֽיךָ:
ה אֵ֤לֶּה אֶזְכְּרָ֨ה | וְאֶשְׁפְּכָ֬ה עָלַ֨י | נַפְשִׁ֗י כִּ֤י אֶֽעֱבֹ֨ר | בַּסָּךְ֘ אֶדַּדֵּ֗ם עַד־בֵּ֥ית אֱלֹ֫הִ֥ים בְּקוֹל־רִנָּ֥ה וְתוֹדָ֗ה הָמ֥וֹן חוֹגֵֽג:
ו מַה־תִּשְׁתּ֬וֹחֲחִ֨י | נַפְשִׁי֘ וַתֶּֽהֱמִ֪י עָ֫לָ֥י הוֹחִ֣לִי לֵֽאלֹהִים כִּי־ע֥וֹד אוֹדֶ֗נּוּ יְשׁוּע֥וֹת פָּנָֽיו:
ז אֶלֹהַ֗י עָלַי֘ נַפְשִׁ֪י תִשְׁתּ֫וֹחָ֥ח עַל־כֵּ֗ן אֶזְכָּרְךָ מֵאֶ֣רֶץ יַרְדֵּ֑ן וְחֶרְמוֹנִ֗ים מֵהַ֥ר מִצְעָֽר:
ח תְּהוֹם־אֶל־ תְּה֣וֹם ק֖וֹרֵא לְק֣וֹל צִנּוֹרֶ֑יךָ כָּֽל־מִשְׁבָּרֶ֥יךָ וְגַלֶּ֗יךָ עָלַ֥י עָבָֽרוּ:
ט יוֹמָ֤ם | יְצַוֶּ֬ה יְהֹוָ֨ה | חַסְדּ֗וֹ וּבַלַּיְלָה שִׁירֹ֣ה עִמִּ֑י תְּפִלָּ֗ה לְאֵ֣ל חַיָּֽי: י אֽוֹמְרָ֤ה | לְאֵ֥ל סַלְעִי֘ לָמָ֪ה שְׁכַ֫חְתָּ֥נִי לָֽמָּה־קֹדֵ֥ר אֵלֵ֗ךְ בְּלַ֣חַץ אוֹיֵֽב:
יא בְּרֶ֤צַח | בְּֽעַצְמוֹתַ֗י חֵֽרְפ֥וּנִי צֽוֹרְרָ֑י בְּאָמְרָ֥ם אֵלַ֥י כָּל־֜הַיּ֗וֹם אַיֵּ֥ה אֱלֹהֶֽיךָ:
יב מַה־תִּשְׁתּ֬וֹחֲחִ֨י | נַפְשִׁי֘ וּֽמַה־תֶּֽהֱמִ֪י עָ֫לָ֥י הוֹחִ֣ילִי לֵֽאלֹהִים כִּי־ע֣וֹד אוֹדֶ֑נּוּ יְשׁוּעֹ֥ת פָּנַ֗י וֵֽאלֹהָֽי:

פרק מג

א שָׁפְטֵ֤נִי אֱלֹהִ֨ים | וְרִ֘יבָ֤ה רִיבִ֗י מִגּ֥וֹי לֹֽא־חָסִ֑יד מֵ֤אִישׁ מִרְמָ֖ה וְעַוְלָ֣ה תְפַלְּטֵֽנִי:
ב כִּֽי־אַתָּ֤ה | אֱלֹהֵ֣י מָֽעוּזִּי֘ לָמָ֪ה זְנַ֫חְתָּ֥נִי לָֽמָּה־ קֹדֵ֥ר אֶתְהַלֵּ֗ךְ בְּלַ֣חַץ אוֹיֵֽב:
ג שְׁלַח־אֽוֹרְךָ֣ וַֽאֲמִתְּךָ הֵ֣מָּה יַנְח֑וּנִי יְבִיא֥וּנִי אֶל־הַֽר־֜קָדְשְׁךָ֗ וְאֶל־מִשְׁכְּנוֹתֶֽיךָ:
ד וְאָב֤וֹאָה | אֶל־מִזְבַּ֬ח אֱלֹהִ֗ים אֶל־אֵל֘ שִׂמְחַ֪ת גִּ֫ילִ֥י וְאֽוֹדְךָ֥ בְכִנּ֗וֹר אֱלֹהִ֥ים אֱלֹהָֽי:
ה מַה־תִּשְׁתּ֬וֹחֲחִ֨י | נַפְשִׁי֘ וּֽמַה־ תֶּֽהֱמִ֪י עָ֫לָ֥י הוֹחִ֣ילִי לֵֽאלֹהִים כִּי־ע֣וֹד אוֹדֶ֑נּוּ יְשׁוּעֹ֥ת פָּנַ֗י וֵֽאלֹהָֽי:

פרק קמ

א לַמְנַצֵּ֗חַ מִזְמ֥וֹר לְדָוִֽד:
ב חַלְּצֵ֣נִי יְהֹוָה מֵֽאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי:
ג אֲשֶׁ֤ר חָֽשְׁב֣וּ רָע֣וֹת בְּלֵ֑ב כָּל־֜י֗וֹם יָג֥וּרוּ מִלְחָמֽוֹת:
ד שָׁ֥נְנ֣וּ לְשׁוֹנָם֘ כְּֽמוֹ־נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימוֹ סֶֽלָה:
ה שָׁמְרֵ֤נִי יְהֹוָ֨ה | מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָֽשְׁב֗וּ לִדְח֥וֹת פְּעָמָֽי:
ו טָֽמְנֽוּ־גֵאִ֨ים | פַּ֡ח לִ֗י וַֽחֲבָלִ֗ים פָּ֣רְשׂוּ רֶשֶׁת לְיַד־מַעְגָּ֑ל מֹֽקְשִׁ֖ים שָֽׁתוּ־לִ֣י סֶֽלָה:
ז אָמַ֣רְתִּי לַֽיהֹוָה אֵ֣לִי אָ֑תָּה הַֽאֲזִ֥ינָה יְהֹוָ֗ה ק֣וֹל תַּֽחֲנוּנָֽי:
ח יֱהֹוִ֣ה אֲדֹנָי עֹ֣ז יְשֽׁוּעָתִ֑י סַכֹּ֥תָה לְרֹאשִׁ֗י בְּי֣וֹם נָֽשֶׁק:
ט אַל־תִּתֵּ֣ן יְהֹוָה מַֽאֲוַיֵּ֣י רָשָׁ֑ע זְמָמ֥וֹ אַל־֜תָּפֵ֗ק יָר֥וּמוּ סֶֽלָה:
י רֹ֥אשׁ מְסִבָּ֑י עֲמַ֖ל שְׂפָתֵ֣ימוֹ יכסומו יְכַסֵּֽימוֹ:
יא ימיטו יִמּ֥וֹטוּ עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּמַֽהֲמֹר֗וֹת בַּל־ יָקֽוּמוּ:
יב אִ֥ישׁ לָשׁוֹן֘ בַּל־יִכּ֪וֹן בָּ֫אָ֥רֶץ אִישׁ־ חָמָ֥ס רָ֑ע יְצוּדֶ֗נּוּ לְמַדְחֵפֹֽת:
יג ידעת יָדַ֗עְתִּי כִּֽי־יַֽעֲשֶׂ֣ה יְהֹוָה דִּ֣ין עָנִ֑י מִשְׁפַּ֗ט אֶבְיֹנִֽים:
יד אַ֣ךְ צַדִּיקִים יוֹד֣וּ לִשְׁמֶ֑ךָ יֵֽשְׁב֥וּ יְשָׁרִ֗ים אֶת־פָּנֶֽיךָ:

פרק קמג

א מִזְמ֗וֹר לְדָ֫וִ֥ד יְהֹוָ֤ה | שְׁמַ֬ע תְּפִלָּתִ֗י הַֽאֲזִ֥ינָה אֶל־תַּֽחֲנוּנָ֑י בֶּֽאֱמֻנָֽתְךָ֥ עֲנֵ֗נִי בְּצִדְקָתֶֽךָ:
ב וְאַל־תָּב֣וֹא בְמִשְׁפָּט אֶת־עַבְדֶּ֑ךָ כִּ֤י לֹֽא־ יִצְדַּ֖ק לְפָנֶ֣יךָ כָל־חָֽי:
ג כִּ֥י רָ֘דַ֤ף אוֹיֵ֨ב | נַפְשִׁ֗י דִּכָּ֣א לָאָרֶץ חַיָּתִ֑י הֽוֹשִׁיבַ֥נִי בְמַֽחֲשַׁכִּ֗ים כְּמֵתֵ֥י עוֹלָֽם:
ד וַתִּתְעַטֵּ֣ף עָלַ֣י רוּחִ֑י בְּתוֹכִ֗י יִשְׁתּוֹמֵ֥ם לִבִּֽי:
ה זָ֘כַ֤רְתִּי יָמִ֨ים | מִקֶּ֗דֶם הָגִ֥יתִי בְכָל־פָּֽעֳלֶ֑ךָ בְּֽמַֽעֲשֵׂ֖ה יָדֶ֣יךָ אֲשׂוֹחֵֽחַ:
ו פֵּרַ֣שְׂתִּי יָדַ֣י אֵלֶ֑יךָ נַפְשִׁ֓י | כְּאֶֽרֶץ־עֲיֵפָ֖ה לְךָ֣ סֶֽלָה:
ז מַ֘הֵ֤ר עֲנֵ֨נִי | יְהֹוָה֘ כָּֽלְתָ֪ה ר֫וּחִ֥י אַל־תַּסְתֵּ֣ר פָּנֶ֣יךָ מִמֶּ֑נִּי וְנִמְשַׁ֗לְתִּי עִם־יֹ֥רְדֵי בֽוֹר:
ח הַשְׁמִ֘יעֵ֤נִי בַבֹּ֨קֶר | חַסְדֶּךָ֘ כִּֽי־בְךָ֪ בָ֫טָ֥חְתִּי הֽוֹדִיעֵ֜נִי דֶּֽרֶךְ־ז֥וּ אֵלֵ֑ךְ כִּֽי־֜אֵלֶ֗יךָ נָשָׂ֥אתִי נַפְשִֽׁי:
ט הַצִּילֵ֖נִי מֵאֹֽיְבַ֥י | יְהֹוָ֗ה אֵלֶ֥יךָ כִסִּֽתִי:
י לַמְּדֵ֤נִי | לַֽעֲשׂ֣וֹת רְצוֹנֶךָ֘ כִּֽי־אַתָּ֪ה אֱל֫וֹהָ֥י רֽוּחֲךָ֥ טוֹבָ֑ה תַּנְחֵ֗נִי בְּאֶ֣רֶץ מִישֽׁוֹר:
יא לְמַֽעַן־שִׁמְךָ֣ יְהֹוָ֣ה תְּחַיֵּ֑נִי בְּצִדְקָֽתְךָ֓ | תּוֹצִ֖יא מִצָּרָ֣ה נַפְשִֽׁי:
יב וּֽבְחַסְדְּךָ֘ תַּצְמִ֪ית אֹֽ֫יְבָ֥י וְֽהַֽאֲבַדְתָּ כָּל־צֹֽרְרֵ֣י נַפְשִׁ֑י כִּ֗י אֲנִ֣י עַבְדֶּֽךָ:

פרק כ

א לַמְנַצֵּ֗חַ מִזְמ֥וֹר לְדָוִֽד:
ב יַֽעַנְךָ֣ יְהֹוָה בְּי֣וֹם צָרָ֑ה יְשַׂגֶּבְךָ֗ שֵׁ֤ם | אֱלֹהֵ֬י יַֽעֲקֹֽב:
ג יִשְׁלַֽח־עֶזְרְךָ֥ מִקֹּ֑דֶשׁ וּמִצִּיּ֗וֹן יִסְעָדֶֽךָּ:
ד יִזְכֹּ֥ר כָּל־מִנְחֹתֶ֑ךָ וְעוֹלָֽתְךָ֖ יְדַשְּׁנֶ֣ה סֶֽלָה:
ה יִֽתֶּן־לְךָ֥ כִלְבָבֶ֑ךָ וְֽכָל־ עֲצָתְךָ֥ יְמַלֵּֽא:
ו נְרַנְּנָ֤ה | בִּ֘ישׁ֤וּעָתֶ֗ךָ וּבְשֵֽׁם־ אֱלֹהֵ֥ינוּ נִדְגֹּ֑ל יְמַלֵּ֥א יְהֹוָ֗ה כָּל־מִשְׁאֲלוֹתֶֽיךָ:
ז עַתָּ֤ה יָדַ֗עְתִּי כִּ֤י הוֹשִׁ֥יעַ | יְהֹוָ֗ה מְשִׁ֫יח֥וֹ יַֽעֲנֵהוּ מִשְּׁמֵ֣י קָדְשׁ֑וֹ בִּגְבֻר֗וֹת יֵ֣שַׁע יְמִינֽוֹ:
ח אֵ֣לֶּה בָרֶכֶב וְאֵ֣לֶּה בַסּוּסִ֑ים וַֽאֲנַ֓חְנוּ | בְּשֵׁם־יְהֹוָ֖ה אֱלֹהֵ֣ינוּ נַזְכִּֽיר:
ט הֵמָּה כָּֽרְע֣וּ וְנָפָ֑לוּ וַֽאֲנַ֥חְנוּ קַּ֗מְנוּ וַנִּתְעוֹדָֽד:
י יְהֹוָ֥ה הוֹשִׁ֑יעָה הַמֶּ֗לֶךְ יַֽעֲנֵ֥נוּ בְיוֹם־קָרְאֵֽנוּ:

 

תפלה מיוחדת לביטול גזירות קשות

לְעוֹלָ֥ם יְהָוְ֑הָ דְּבָֽרְךָ֗ נִצָּ֥ב בַּשָּׁמָֽיִם: י"ב פעמים

יהי רצון מלפניך ה' אלוקינו ואלוקי אבותינו שתעשה למען שמך הגדול והקדוש והטהור והגבור והנורא הנכתב ואינו נקרא שנתכוונתי בו, שתציל את עמך בית ישראל מכל צרה ומצוקה ומכל גזירות קשות ורעות. וישוב חרון אפך מעמך מעירך מארצך ומנחלתך, וכל החושבים עלינו רעה תחשכנה עיניהם מראות ולא תעשינה ידיהם תושיה ויהי דרכם חושך וחלקלקות ומלאך ה' רודפם.

ותתנהג עמנו במידת החסד והרחמים ותכנס לנו לפני ולפנים משורת הדין. ותגזור עלינו גזירות טובות עשה למען שמך הגדול והקדוש שלא יתחלל באומות. עשה למענך ולא למעננו עשה למען תורתך עשה למען קדושתך והושיענו, ויקויים בנו טרם יקראו ואני אענה עוד הם מדברים ואני אשמע.

ואני אשיר עוזך וארנן לבקר חסדך כי היית משגב לי ומנוס ביום צר לי: ג פעמים

לי צר ביום ומנוס לי משגב היית כי חסדך לבקר וארנן עזך אשיר ואני: ג פעמים

שֵׁבֶט יְהוּדָה בְּדֹחַק וּבְצַעַר. הֲיִשְׁאַג אַרְיֵה בַיַּעַר: מְקַוִּים יְשׁוּעָתְךָ אָבוֹת וּבָנִים. הָעֲנִיִּים וְהָאֶבְיוֹנִים: עֲמֹד בַּפֶּרֶץ בַּל נִהְיֶה לִשְׂחֹק. לָמָה יְהֹוָה יאהדונהי תַּעֲמֹד בְּרָחוֹק: יוֹנָתְךָ עַד שַׁעֲרֵי מָוֶת הִגִּיעָה. יוֹשֵׁב הַכְּרוּבִים הוֹפִיעָה: הָבָה לָּנוּ עֶזְרַת מִצָּר. הֲיַד יְהֹוָה יאהדונהי תִּקְצָר: חַדֵּשׁ יָמֵינוּ בְגָלוּת יָשָׁן. עוּרָה לָמָּה תִישָׁן:

זְכֹר בָּנֶיךָ בְּאֶרֶץ לֹא לָהֶם. וְזָר לֹא יִקְרַב אֲלֵיהֶם: קֵץ הַנֶּחְתָּם גַּלֵּה לְגַלְמוּדָה. יִשְׂמַח הַר צִיּוֹן תָּגֵלְנָה בְנוֹת יְהוּדָה: שַׁוְעָתֵנוּ תַּעֲלֶה לִשְׁמֵי מְרוֹמִים. אֶל מֶלֶךְ יוֹשֵׁב עַל כִּסֵּא רַחֲמִים:

 

אֵל מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת. מוֹחֵל עֲוֹנוֹת עַמּוֹ מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים וּסְלִיחָה לַפּוֹשְׁעִים. עוֹשֶׂה צְדָקוֹת עִם כָּל־ בָּשָׂר וְרוּחַ. לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה. זְכוֹר לָנוּ הַיּוֹם בְּרִית שְׁלֹשׁ עֶשְׂרֵה. כְּמוֹ שֶׁהוֹדַעְתָּ לֶעָנָו מִקֶּדֶם וְכֵן כָּתוּב בְּתוֹרָתָךְ וַיֵּרֶד יְהֹוָה יאהדונהי בֶּעָנָן וַיִּתְיַצֵּב עִמּוֹ שָׁם. וַיִּקְרָא בְשֵׁם יְהֹוָה יאהדונהי וְשָׁם נֶאֱמַר:

וַיַּֽעֲבֹ֨ר יְהוָֹ֥ה יאהדונהי| עַל־פָּנָיו֘ וַיִּקְרָא֒ יְהוָֹ֣היאהדונהי| יְהֹוָ֔היאהדונהי א אֵ֥ל ב רַח֖וּם ג וְחַנּ֑וּן ד אֶ֥רֶךְ טה אַפַּ֖יִם ו וְרַב־חֶ֥סֶד ז וֶֽאֱמֶֽת: ח נֹצֵ֥ר חֶ֨סֶד֙ ט לָֽאֲלָפִ֔ים י נֹשֵׂ֥א עָוֹ֛ן יא וָפֶ֖שַׁע יב וְחַטָּאָ֑ה יג וְנַקֵּה֙:

ותוקע תשר"ת תש"ת תר"ת

וְכִֽי־ תָבֹ֨אוּ מִלְחָמָ֜ה בְּאַרְצְכֶ֗ם עַל־הַצַּר֙ הַצֹּרֵ֣ר אֶתְכֶ֔ם וַֽהֲרֵֽעֹתֶ֖ם בַּֽחֲצֹֽצְרֹ֑ת וְנִזְכַּרְתֶּ֗ם לִפְנֵי֙ יְהוָֹ֣ה אֱלֹֽהֵיכֶ֔ם וְנֽוֹשַׁעְתֶּ֖ם מֵאֹֽיְבֵיכֶֽם:

 

אַנְשֵׁי אֱמוּנָה אָבָדוּ. בָּאִים בְּכֹחַ מַעֲשֵׂיהֶם. גִּבּוֹרִים לַעֲמוֹד בַּפֶּרֶץ. דּוֹחִים אֶת הַגְּזֵרוֹת: הָיוּ לָנוּ לְחוֹמָה. וּלְמַחְסֶה בְּיוֹם זַעַם: זוֹעֲכִים אַף בְּלַחֲשָׁם. חֵמָה עָצְרוּ בְשַׁוְּעָם: טֶרֶם קְרָאוּךָ עֲנִיתָם. יוֹדְעִים לַעֲתוֹר וּלְרַצּוֹת: כְּאָב רִחַמְתָּ לְמַעֲנָם. לֹא הֱשִׁיבוֹתָ פְּנֵיהֶם רֵיקָם: מֵרֹב עֲוֹנֵינוּ אָבַדְנוּם. נֶאֶסְפוּ מֶנּוּ בַחֲטָאֵינוּ: סָעוּ הֵמָּה לִמְנוּחוֹת. עָזְבוּ אוֹתָנוּ לַאֲנָחוֹת: פַּסּוּ גוֹדְרֵי גָדֵר. צוּמְתוּ מְשִׁיבֵי חֵמָה: קָמִים בַּפֶּרֶץ אַיִן. רְאוּיִם לְרַצּוֹתְךָ אָפֵסוּ: שׁוֹטַטְנוּ בְּאַרְבַּע פִּנּוֹת. תְּרוּפָה לֹא מָצָאנוּ: שַׁבְנוּ אֵלֶיךָ בְּבוֹשֶׁת פָּנֵינוּ לְשַׁחֲרָךְ אֵל בְּעֵת צָרוֹתֵינוּ:

 

אֵל מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת. מוֹחֵל עֲוֹנוֹת עַמּוֹ מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים וּסְלִיחָה לַפּוֹשְׁעִים. עוֹשֶׂה צְדָקוֹת עִם כָּל־ בָּשָׂר וְרוּחַ. לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה. זְכוֹר לָנוּ הַיּוֹם בְּרִית שְׁלֹשׁ עֶשְׂרֵה. כְּמוֹ שֶׁהוֹדַעְתָּ לֶעָנָו מִקֶּדֶם וְכֵן כָּתוּב בְּתוֹרָתָךְ וַיֵּרֶד יְהֹוָה יאהדונהי בֶּעָנָן וַיִּתְיַצֵּב עִמּוֹ שָׁם. וַיִּקְרָא בְשֵׁם יְהֹוָה יאהדונהי וְשָׁם נֶאֱמַר:

וַיַּֽעֲבֹ֨ר יְהוָֹ֥ה יאהדונהי| עַל־פָּנָיו֘ וַיִּקְרָא֒ יְהוָֹ֣היאהדונהי| יְהֹוָ֔היאהדונהי א אֵ֥ל ב רַח֖וּם ג וְחַנּ֑וּן ד אֶ֥רֶךְ טה אַפַּ֖יִם ו וְרַב־חֶ֥סֶד ז וֶֽאֱמֶֽת: ח נֹצֵ֥ר חֶ֨סֶד֙ ט לָֽאֲלָפִ֔ים י נֹשֵׂ֥א עָוֹ֛ן יא וָפֶ֖שַׁע יב וְחַטָּאָ֑ה יג וְנַקֵּה֙:

 

תָּמַהְנוּ מֵרָעוֹת. תָּשַׁשׁ כֹּחֵנוּ מִצָּרוֹת: שַׁחְנוּ עַד לִמְאֹד. שָׁפַלְנוּ עַד עָפָר: רַחוּם כָּךְ הִיא מִדָּתֵנוּ. קְשֵׁי עֹרֶף וּמַמְרִים אֲנָחְנוּ: צָעַקְנוּ בְּפִינוּ חָטָאנוּ. פְּתַלְתּוֹל וְעִקֵּשׁ לִבֵּנוּ: עֶלְיוֹן רַחֲמֶיךָ מֵעוֹלָם. סְלִיחָה עִמְּךָ הִיא: נִחָם עַל הָרָעָה. מַטֵּה כְּלַפֵּי חֶסֶד: לֹא תִתְעַלַּם בְּעִתּוֹת כָּאֵל. כִּי בְצָרָה גְדוֹלָה אֲנָחְנוּ. יִוָּדַע לְעֵינֵי הַכֹּל. טוּבְךָ וְחַסְדְּךָ עִמָּנוּ: חֲתוֹם פֶּה־ שָׂטָן וְאַל יַשְׂטִין עָלֵינוּ. זְעוֹם בּוֹ וְיִדּוֹם: וַיַעֲמֹד מֵלִיץ טוֹב לְצַדְּקֵנוּ. הוּא יַגִּיד יָשְׁרֵנוּ: דְּרָכֶיךָ רַחוּם וְחַנּוּן. גִּלִּיתָ לְנֶאֱמַן בָּיִת: בְּבַקְשׁוֹ אָז מִלְּפָנֶיךָ אֱמוּנָתְךָ הוֹדַעְתָּ לּוֹ:

יִשְׂרָאֵל נוֹשַׁע בַּיהוָֹה תְּשׁוּעַת עוֹלָמִים. גַּם הַיּוֹם יִוָּשְׁעוּ מִפִּיךָ שׁוֹכֵן מְרוֹמִים. כִּי אַתָּה רַב סְלִיחוֹת וּבַעַל הָרַחֲמִים: שְׁעָרֶיךָ הֵם דּוֹפְקִים כַּעֲנִיִּים וְדַלִּים. צָקוּן לַחֲשָׁם קְשׁוֹב יָהּ שׁוֹכֵן מְעֻלִּים. כי אתה: פְּחוּדִים הֵם מִכָּל צָרוֹת מִמְּחָרְפֵיהֶם וּמִלוֹחֲצֵיהֶם. נָא אַל תַּעַזְבֵם יְהוָֹה אֱלֹהֵי אֲבוֹתֵיהֶם. כי אתה: טוֹבוֹתֶיךָ יְקַדְּמוּ לָהֶם בְּיוֹם תּוֹכֵחָה. וּמִתּוֹךְ צָרָה הַמְצִיאֵם פְּדוּת וּרְוָחָה. כי אתה: יִוָּשְׁעוּ לְעֵין כֹּל וְאַל יִמְשְׁלוּ בָם רְשָׁעִים. כַּלֵּה שֵׂעִיר וְחוֹתְנוֹ וְיַעֲלוּ לְצִיּוֹן מוֹשִׁיעִים. כי אתה: הַקְשִׁיבָה אָדוֹן לְקוֹל שַׁוְעָתָם. וְלִמְכוֹן שִׁבְתְּךָ הַשָּׁמַיִם תַּעֲלֶה תְפִלָּתָם. כִּי אַתָּה רַב סְלִיחוֹת וּבַעַל הָרַחֲמִים:

 

אֵל מֶלֶךְ יוֹשֵׁב עַל כִּסֵּא רַחֲמִים וּמִתְנַהֵג בַּחֲסִידוּת. מוֹחֵל עֲוֹנוֹת עַמּוֹ מַעֲבִיר רִאשׁוֹן רִאשׁוֹן. מַרְבֶּה מְחִילָה לַחַטָּאִים וּסְלִיחָה לַפּוֹשְׁעִים. עוֹשֶׂה צְדָקוֹת עִם כָּל־ בָּשָׂר וְרוּחַ. לֹא כְרָעָתָם לָהֶם גּוֹמֵל. אֵל הוֹרֵתָנוּ לוֹמַר מִדּוֹת שְׁלֹשׁ עֶשְׂרֵה. זְכוֹר לָנוּ הַיּוֹם בְּרִית שְׁלֹשׁ עֶשְׂרֵה. כְּמוֹ שֶׁהוֹדַעְתָּ לֶעָנָו מִקֶּדֶם וְכֵן כָּתוּב בְּתוֹרָתָךְ וַיֵּרֶד יְהֹוָה יאהדונהי בֶּעָנָן וַיִּתְיַצֵּב עִמּוֹ שָׁם. וַיִּקְרָא בְשֵׁם יְהֹוָה יאהדונהי וְשָׁם נֶאֱמַר:

וַיַּֽעֲבֹ֨ר יְהוָֹ֥ה יאהדונהי| עַל־פָּנָיו֘ וַיִּקְרָא֒ יְהוָֹ֣היאהדונהי| יְהֹוָ֔היאהדונהי א אֵ֥ל ב רַח֖וּם ג וְחַנּ֑וּן ד אֶ֥רֶךְ טה אַפַּ֖יִם ו וְרַב־חֶ֥סֶד ז וֶֽאֱמֶֽת: ח נֹצֵ֥ר חֶ֨סֶד֙ ט לָֽאֲלָפִ֔ים י נֹשֵׂ֥א עָוֹ֛ן יא וָפֶ֖שַׁע יב וְחַטָּאָ֑ה יג וְנַקֵּה֙:

 

יְהוָֹה יְהוָֹה אֵל רַחוּם. וְחַנּוּן. אֶרֶךְ אַפַּיִם. וְרַב חֶסֶד וֶאֱמֶת. נֹצֵר חֶסֶד לָאֲלָפִים. נֹשֵׂא עָוֹן. וָפֶשַׁע. וְחַטָּאָה. וְנַקֵּה. וְסָלַחְתָּ לַעֲוֹנֵנוּ וּלְחַטָּאתֵנוּ וּנְחַלְתָּנוּ: אֶזְכְּרָה אֱלֹהִים וְאֶהֱמָיָה. בִּרְאוֹתִי כָּל עִיר עַל תִּלָּהּ בְּנוּיָה. וְעִיר הָאֱלֹהִים מֻשְׁפֶּלֶת עַד שְׁאוֹל תַּחְתִּיָּה. וּבְכָל זֹאת אָנוּ לְיָהּ וְעֵינֵינוּ לְיָהּ. יי: מִדַּת הָרַחֲמִים עָלֵינוּ הִתְגַּלְגְּלִי. וְלִפְנֵי קוֹנֵךְ תְּחִנָּתֵנוּ הַפִּילִי. וּבְעַד עַמֵּךְ רַחֲמִים שַׁאֲלִי. כִּי כָל לֵבָב דַּוָּי וְכָל רֹאשׁ לָחֳלִי. יי: תָּמַכְתִּי יְתֵדוֹתַי בִּשְׁלֹשׁ עֶשְׂרֵה תֵבוֹת. וּבְשַׁעֲרֵי דְמָעוֹת כִּי לֹא נִשְׁלָבוֹת. לָכֵן שָׁפַכְתִּי שִׂיחַ פְּנֵי בוֹחֵן לִבּוֹת. בָּטוּחַ אֲנִי בָּאֵלֶּה וּבִזְכוּת שְׁלֹשֶׁת אָבוֹת. יי: יְהִי רָצוֹן מִלְּפָנֶיךָ שׁוֹמֵעַ קוֹל בִּכְיוֹת. שֶׁתָּשִׂים דִּמְעוֹתֵינוּ בְּנֹאדְךָ לִהְיוֹת. וְתַצִּילֵנוּ מִכָּל גְּזֵרוֹת אַכְזָרִיּוֹת. כִּי לְךָ לְבַד עֵינֵינוּ תְלוּיוֹת. יי:

וַיְהִי בִנְסוֹעַ הַאָרוֹן וַיֹאמֶר מֹשֶׁה קוּמָה יְהֹוָה וְיָפֻצוּ אֹיְבֶיךָ וְיָנֻסוּ מְשַׂנְאֶיךָ מִפָנֶיךָ

יהי רצון מלפניך ה' אלוקינו ואלוקי אבותינו עשה למען שמך הגדול הקדוש והנורא היוצא מפסוק ה' אדונינו אדיר שמך בכל הארץ ומכל השמות הקדושים היוצאים ממזמורי תהילים שאמרנו

 

שתשגיח בעין חמלה וחנינה על עמך ישראל בארץ אשר נתת לאבותינו, ועתה באים אדום וישמעאל לחמוס אותה מידנו. עמוד מכסא דין ושב על כסא החסד והרחמים, ותסך עלינו ברחמיך הרבים, ותציל אותנו מכף כל אויב ואורב, מכל צר ומכל לוחץ, ומכל חורשים עלינו לרעה, ואשר "על עמך יערימו סוד ויתיעצו על צפונך". הפר עצתם וקלקל מחשבותם, השב להם כגמולם וכרוע מעלליהם וכמעשה ידיהם תן להם. תחשכנה עיניהם מראות ולא תעשינה ידיהם תושיה. ותפול עליהם אימתה ופחד ובגדול זרועך ידמו כאבן. ויתקיים בנו הפסוק תרום ידך על צריך וכל אויבך יכרתו ותגזור עלינו גזירות טובות ישועות ונחמות ונזכה לביאת הגואל ולבנין אריאל ב"ב אכי"ר.

 

סגולה נפלאה בעת צרה, לבטל הגזרה ולהפר עצת האיבה

 

תחילה יאמר הש"ץ שני פסוקים אלו

הצילני נא מיד אחי מיד עשו כי ירא אנכי אותו פן יבוא והכני אם על בנים. ואתה אמרתה היטב איטיב עמך. ושמתי את זרעך כחול הים אשר לא יספר מרוב.

והצבור יחזרו על שני הפסוקים ואח"כ יאמר הש"ץ בכוונה גדולה עשר פעמים

בשם עשר י בשם חמש ה בשם שש ו בשם חמש ה תופר עצת כל אויבנו וצרינו ושונאינו

ואח"כ יענו הקהל ביחד

עוצו עצה ותופר דברו דבר ולא יקום כי עמנו אל, ויצא ה' ונלחם בגויים ההם כיום הלחמו ביום קרב תזרם ורוח תשאם וסערה תפיץ אותם ואתה תגיל בד' בקדוש ישראל תתהלל "לא ירעו ולא ישחיתו בכל הר קדשי כי מלאה הארץ דעה את ה' כמים לים מכסים".

מַלְאֲכֵי רַחֲמִים מְשָׁרְתֵי עֶלְיוֹן. חַלּוּ נָא פְּנֵי אֵל בְּמֵיטַב הִגָּיוֹן. אוּלַי יָחוֹס עַם עָנִי וְאֶבְיוֹן. אוּלַי יְרַחֵם: אוּלַי יְרַחֵם שְׁאֵרִית יוֹסֵף. שְׁפָלִים וְנִבְזִים פְּשׁוּחֵי שֶׁסֶף. שְׁבוּיֵי חִנָּם מְכוּרֵי בְּלֹא כֶסֶף. שׁוֹאֲגִים בִּתְפִלָּה וּמְבַקְּשִׁים רִשָּׁיוֹן. אולי: אוּלַי יְרַחֵם מְעֻנֵּי כֶבֶל. מְלֻמְּדֵי מַכּוֹת בְּעִנּוּי סֶבֶל. מְנוֹד רֹאשׁ נְתוּנִים בְּיוֹשְׁבֵי תֵבֵל. מָשָׁל בָּעַמִּים בְּקֶצֶף וּבִזָּיוֹן. אולי: אוּלַי יְרַחֵם וְיֵרֶא בָּעֳנִי עַמּוֹ. וְיַקְשֵׁב וְיִשְׁמַע הַצָּגִים לְעֻמּוֹ. וְעוּדִים בְּלַחַשׁ מוּסָר לָמוֹ. וְעֵינֵיהֶם תּוֹלִים לִמְצוֹא רִצָּיוֹן. אולי: אוּלַי יְרַחֵם אוֹמְרֵי סְלַח נָא. אוֹמְצֵי שְׁבָחוֹ בְּכָל עֵת וְעוֹנָה. אֲגוּדִים בַּצָּרָה לִשְׁפּוֹךְ תְּחִנָּה. אֶת פְּנֵי אֱלֹהֵיהֶם שׁוֹפְכִים לֵב דִּוָּיוֹן. אולי: אוּלַי יְרַחֵם לָקְתָה בְּכִפְלַיִם. לְעוּטָה אֲרָיוֹת כְמוֹ בְּפִי שַׁחֲלַיִם. לֻקָּה וּמִשְׁתַּלֶּמֶת בַּעֲוֹן שׁוּלַיִם. לֹא שָׁכְחָה בְּכָל זֹאת מִכְתַּב עוֹז חֶבְיוֹן. אולי: אוּלַי יְרַחֵם כְּבוּשֵׁי פָנִים. הַשּׁוֹמְעִים חֶרְפָּתָם וְלֹא מְשִׁיבִים וְעוֹנִים. נִצְחוֹ מְקַוִּים וּלְיִשְׁעוֹ נִשְׁעָנִים. כִּי לֹא כָלוּ רַחֲמָיו בְכִלָּיוֹן. אולי: אוּלַי יְרַחֵם יְחַלֵּץ עָנִי בְּעָנְיוֹ. חֲבוּשׁוֹ יַתִּיר מֵאֶרֶץ שִׁבְיוֹ. יִגְהֶה מְזוֹרוֹ וְיַחְבּוֹשׁ חָלְיוֹ. צַעֲקָתוֹ יִשְׁמַע וְיָחִישׁ עֵת פִּדָיוֹן: אוּלַי יָחוֹס עַם עָנִי וְאֶבְיוֹן אוּלַי יְרַחֵם:

שְׁמַע קוֹלֵנוּ יְיָ אֱלֹהֵינוּ חוּס וְרַחֵם עָלֵינוּ וְקַבֵּל בְּרַחֲמִים וּבְרָצוֹן אֶת תְּפִלָּתֵנוּ: הֲשִׁיבֵנוּ יְיָ אֵלֶיךָ וְנָשׁוּבָה חַדֵּשׁ יָמֵינוּ כְּקֶדֶם: אֲמָרֵינוּ הַאֲזִינָה יְיָ בִּינָה הֲגִיגֵנוּ: יִהְיוּ לְרָצוֹן אִמְרֵי פִינוּ וְהֶגְיוֹן לִבֵּנוּ לְפָנֶיךָ יְיָ צוּרֵנוּ וְגוֹאֲלֵנוּ: אַל תַּשְׁלִיכֵנוּ מִלְּפָנֶיךָ וְרוּחַ קָדְשְׁךָ אַל תִּקַּח מִמֶּנּוּ: אַל תַּשְׁלִיכֵנוּ לְעֵת זִקְנָה כִּכְלוֹת כֹּחֵנוּ אַל תַּעַזְבֵנוּ: אַל תַּעַזְבֵנוּ יְיָ אֱלֹהֵינוּ, אַל תִּרְחַק מִמֶּנוּ: עֲשֵׂה עִמָּנוּ אוֹת לְטוֹבָה, וְיִרְאוּ שׂוֹנְאֵינוּ וְיֵבוֹשׁוּ כִּי אַתָּה יְיָ עֲזַרְתָּנוּ וְנִחַמְתָּנוּ: כִּי לְךָ יְיָ הוֹחָלְנוּ, אַתָּה תַעֲנֶה אֲדֹנָי אֱלֹהֵינוּ:

 

תפלה מספר "לשון חכמים"

רִבּוֹן עָלְמָא, עָבֵיד בְּגִין עַבְדָּךְ מֹשֶׁה רַעְיָא מְהֵימְנָא, דְּאָחִית מְכִילָן דְּרַחֲמֵי לְתַתָּא, וְאָחִיד דִּיקְנָא דְּמַלְכָּא קַדִּישָׁא, וְאוֹקִיר לֵיהּ בִּיקִירוֺ עִלָּאָה, וְעָבִיד בְּגִין עַבְדָּךְ דָּוִד מַלְכָּא מְשִׁיחָא, דְּאִדְּכַּר תִּשְׁעָה תִּקּוּנִין דְּמַלְכָּא לְאַכְנְעָא שְׂנָאוּי. וְתַכְרִית כָּל אֹיְבֵינוּ וְשֹׂנְאֵינוּ, וְכָל מְבַקְּשֵׁי רָעָתֵנוּ. וְכָל הַקָּמִים עָלֵינוּ לְרָעָה מְהֵרָה הָפֵר עֲצָתָם וְקַלְקֵל מַחְשְׁבוֹתָם. תִּפֹּל עֲלֵיהֶם אֵימָתָה וָפַחַד בִּגְדֹל זְרוֹעֲךָ יִדְּמוּ כָּאָבֶן. "יִהְיוּ כְּמֹץ לִפְנֵי רוּחַ וּמַלְאַךְ יְיָ דּוֹחֶה. יְהִי דַּרְכָּם חֹשֶׁךְ וַחֲלַקְלַקֹּת וּמַלְאַךְ יְיָ רֹדְפָם". "וְהָרֵק חֲנִית וּסְגֹר לִקְרַאת רֹדְפָי אֱמֹר לְנַפְשִׁי יְשֻׁעָתֵךְ אָנִי. יֵבֹשׁוּ וְיִכָּלְמוּ מְבַקְשֵׁי נַפְשִׁי, יִסֹּגוּ אָחוֹר וְיַחְפְּרוּ חֹשְׁבֵי רָעָתִי". יֵבֹשׁוּ וְיַחְפְּרוּ יַחְדָּו שְׂמֵחֵי רָעָתִי, יִלְבְּשׁוּ בֹשֶׁת וּכְלִמָּה הַמַּגְדִּילִים עָלַי. יָרֹנּוּ וְיִשְׂמְחוּ חֲפֵצֵי צִדְקִי וְיֹאמְרוּ תָּמִיד יִגְדָּל יְיָ הֶחָפֵץ שְׁלוֹם עַבְדּוֹ:

רִבּוֹנוֹ שֶׁל עוֹלָם, הִבְטַחְתָּנוּ עַל יְדֵי יְשַׁעְיָה נְבִיאָךְ, "כָּל כְּלִי יוּצַר עָלַיִךְ לֹא יִצְלָח וְכָל לָשׁוֹן תָּקוּם אִתָּךְ לַמִּשְׁפָּט תַּרְשִׁיעִי, זֹאת נַחֲלַת עַבְדֵי יְיָ וְצִדְקָתָם מֵאִתִּי נְאֻם יְיָ". הִנֵּה אֲנַחְנוּ עֲבָדֶיךָ, עַמְּךָ וְנַחֲלָתֶךָ בְּנֵי בְּרִיתֶךָ, בְּנֵי אַבְרָהָם אוֺהֲבֶךָ, זֶרַע יִצְחָק עֲקֵדֶךָ. עֲדַת יַעֲקֹב בִּנְךָ בְּכֹרֶךָ. מְצַפִּים לִישׁוּעָתֶךָ וּבוֹטְחִים עַל צִדְקָתֶךָ. כִּי כֵן דַּרְכְּךָ לַעֲשׂוֹת חֶסֶד חִנָּם תָּמִיד. וְעוֹשֶׂה אַתָּה צְדָקוֹת עִם כָּל בָּשָׂר וָרוּחַ. חָנֵּנוּ יְיָ חָנֵּנוּ, וּבִישׁוּעָתְךָ מַלְכֵּנוּ תָּרוּם וְתַגְבִּיהַּ קַרְנֵנוּ. וּמַהֵר חוּשָׁה לְעֶזְרָתֵנוּ. וְכָל הַקָּמִים עָלֵינוּ לְרָעָה מְהֵרָה הָפֵר עֲצָתָם וְקַלְקֵל מַחְשְׁבוֹתָם. תִּפֹּל עֲלֵיהֶם אֵימָתָה וּפַחַד בִּגְדֹל זְרוֹעֲךָ יִדְּמוּ כָּאָבֶן. "יִהְיוּ כְּמֹץ לִפְנֵי רוּחַ וּמַלְאַךְ יְיָ דּוֹחֶה". יֵבֹשׁוּ רֹדְפַי וְאַל אֵבֹשָׁה אָנִי, יֵחַתּוּ הֵמָּה וְאַל אֵחַתָה אָנִי, הָבֵא עֲלֵיהֶם יוֹם רָעָה וּמִשְׁנֶה שִׁבָּרוֹן שָׁבְרֵם:

"וְאַתָּה קָדוֹשׁ יוֹשֵׁב תְּהִלּוֹת יִשְׂרָאֵל. בְּךָ בָּטְחוּ אֲבֹתֵינוּ בָּטְחוּ וַתְּפַלְּטֵמוֹ. אֵלֶיךָ זָעֲקוּ וְנִמְלָטוּ, בְּךָ בָטְחוּ וְלֹא בוֹשׁוּ. וְאָנֹכִי תּוֹלַעַת וְלֹא אִישׁ חֶרְפַּת אָדָם וּבְזוּי עָם". "אַל תִּרְחַק מִמֶּנִּי כִּי צָרָה קְרוֹבָה כִּי אֵין עוֹזֵר. סְבָבוּנִי פָּרִים רַבִּים אַבִּירֵי בָשָׁן כִּתְּרוּנִי. פָּצוּ עָלַי פִּיהֶם אַרְיֵה טוֹרֵף וְשֹׁאֵג". "שִׁנֵיהֶם חֲנִית וְחִצִּים וּלְשׁוֹנָם חֶרֶב חַדָּה". "אֱלֹהִים, זֵדִים קָמוּ עָלַי, וַעֲדַת עָרִיצִים בִּקְּשׁוּ נַפְשִׁי וְלֹא שָׂמוּךָ לְנֶגְדָם". "שִׁיתָה יְיָ מוֹרָה לָהֶם יֵדְעוּ גּוֹיִם אֱנוֹשׁ הֵמָּה סֶלָה". (הַפְּסוּקִים הנז' אע"פ שֶׁאוֹמְרָם בִּלְשׁוֹן יָחִיד, יְכַוֵּן בָּהֶם עַל כְּלָלוֹת יִשְׂרָאֵל שֶׁבַּגּוֹלָה) "קָרְבָה אֶל נַפְשִׁי גְאָלָהּ לְמַעַן אֹיְבַי פְּדֵנִי. אַתָּה יָדַעְתָּ חֶרְפָּתִי וּבָשְׁתִּי וּכְלִמָּתִי נֶגְדֶּךָ כָּל צוֹרְרַי". "פְּנֵה אֵלַי וְחָנֵּנִי, תְּנָה עֻזְּךָ לְעַבְדֶּךָ וְהוֹשִׁיעָה לְבֶן אֲמָתֶךָ. עֲשֵׂה עִמִּי אוֹת לְטוֹבָה, וְיִרְאוּ שֹׂנְאַי וִיבֹשׁוּ, כִּי אַתָּה יְיָ עֲזַרְתַנִי וְנִחַמְתָּנִי":

וִיהִי רָצוֹן מִלְּפָנֶיךָ יְיָ אֱלֹהֵינוּ וֵאלֹהֵי אֲבוֹתֵינוּ, שֶׁתְּרַחֵם עָלֵינוּ בְּרַחֲמֶיךָ הָרַבִּים, וְקַיֵּם לָנּוּ בְּחַסְדְּךָ אֶת הַדָּבָר אֲשֶׁר הִבְטַחְתָּנוּ עַל יְדֵי יְשַׁעְיָה חוֹזָךְ כָּאָמוּר, "אַל תִּירָא כִּי עִמְּךָ אָנִי, אַל תִּשְׁתָּע כִּי אֲנִי אֱלֹהֶיךָ, אִמַּצְתִּיךָ אַף עֲזַרְתִּיךָ אַף תְּמַכְתִּיךָ בִּימִין צִדְקִי. הֵן יֵבֹשׁוּ וְיִכָּלְמוּ כֹּל הַנֶּחֱרִים בָּךְ, יִהְיוּ כְאַיִן וְיֹאבְדוּ אַנְשֶׁי רִיבֶךָ תְּבַקְשֵׁם וְלֹא תִמְצָאֵם אַנְשֶׁי מַצֻתֶךָ יִהְיוּ כְאַיִן וּכְאֶפֶס אַנְשֵׁי מִלְחַמְתֶּךָ. כִּי אֲנִי יְיָ אֱלֹהֶיךָ מַחֲזִיק יְמִינֶךָ, הָאֹמֵר לְךָ אַל תִּירָא אֲנִי עֲזַרְתִּיךָ. אַל תִּירְאִי תּוֹלַעַת יַעֲקֹב מְתֵי יִשְׂרָאֵל, אֲנִי עֲזַרְתִּיךְ נְאֻם יְיָ וְגֹאֲלֵךְ קְדוֹשׁ יִשְׂרָאֵל. הִנֵּה שַׂמְתִּיךְ לְמוֹרַג חָרוּץ חָדָשׁ בַּעַל פִּיפִיּוֹת, תָּדוּשׁ הָרִים וְתָדֹק וּגְבָעוֹת כַּמֹּץ תָּשִׂים. תִּזְרֵם וְרוּחַ תִּשָׂאֵם וּסְעָרָה תָּפִיץ אוֹתָם, וְאַתָּה תָּגִיל בַּיְיָ בִּקְדוֹשׁ יִשְׂרָאֵל תִּתְהַלָּל":

 

אָבִינוּ מַלְכֵּנוּ. חָטָאנוּ לְפָנֶיךָ:

אָבִינוּ מַלְכֵּנוּ. אֵין לָנוּ מֶלֶךְ אֶלָּא אָתָּה:

אָבִינוּ מַלְכֵּנוּ. עֲשֵׂה עִמָּנוּ לְמַעַן שְׁמֶךָ:

אָבִינוּ מַלְכֵּנוּ. בָּרֵךְ עָלֵינוּ שָׁנָה טוֹבָה:

אָבִינוּ מַלְכֵּנוּ. בַּטֵּל מֵעָלֵינוּ כָּל גְזֵרוֹת קָשׁוֹת:

אָבִינוּ מַלְכֵּנוּ. בַּטֵּל מַחְשְׁבוֹת שׂוֹנְאֵינוּ:

אָבִינוּ מַלְכֵּנוּ. הָפֵר עֲצַת אוֹיְבֵינוּ:

אָבִינוּ מַלְכֵּנוּ. כַּלֵּה כָּל צַר וּמַשְׂטִין מֵעָלֵינוּ:

אָבִינוּ מַלְכֵּנוּ. סְתֹם פִּיּוֹת מַשְׂטִינֵינוּ וּמְקַטְרִיגֵנוּ:

אָבִינוּ מַלְכֵּנוּ. כַּלֵּה דֶבֶר וְחֶרֶב וְרָעָב וּשְׁבִי וּמַשְׁחִית וְעָוֹן וּשְׁמַד מִבְּנֵי בְרִיתֶךָ:

אָבִינוּ מַלְכֵּנוּ. מְנַע מַגֵּפָה מִנַּחֲלָתֶךָ:

אָבִינוּ מַלְכֵּנוּ. סְלַח וּמְחַל לְכָל עֲוֹנוֹתֵינוּ:

אָבִינוּ מַלְכֵּנוּ. מְחֵה וְהַעֲבֵר פְּשָׁעֵינוּ וְחַטֹּאתֵינוּ מִנֶּגֶד עֵינֶיךָ:

אָבִינוּ מַלְכֵּנוּ. מְחֹק בְּרַחֲמֶיךָ הָרַבִּים כָּל שִׁטְרֵי חוֹבוֹתֵינוּ:

אָבִינוּ מַלְכֵּנוּ. הַחֲזִירֵנוּ בִּתְשׁוּבָה שְׁלֵמָה לְפָנֶיךָ:

אָבִינוּ מַלְכֵּנוּ. שְׁלַח רְפוּאָה שְׁלֵמָה לְחוֹלֵי עַמֶּךָ:

אָבִינוּ מַלְכֵּנוּ. קְרַע. רוֹעַ גְּזַר דִּינֵנוּ:

אָבִינוּ מַלְכֵּנוּ. זָכְרֵנוּ בְּזִכָּרוֹן טוֹב לְפָנֶיךָ:

אָבִינוּ מַלְכֵּנוּ. זָכְרֵנוּ לְחַיִּים טוֹבִים:

אָבִינוּ מַלְכֵּנוּ. זָכְרֵנוּ לִגְאֻלָּה וִישׁוּעָה:

אָבִינוּ מַלְכֵּנוּ. זָכְרֵנוּ לְפַרְנָסָה וְכַלְכָּלָה:

אָבִינוּ מַלְכֵּנוּ. זָכְרֵנוּ לִזְכֻיּוֹת:

אָבִינוּ מַלְכֵּנוּ. זָכְרֵנוּ לִסְלִיחָה וּמְחִילָה:

אָבִינוּ מַלְכֵּנוּ. הַצְמַח לָנוּ יְשׁוּעָה בְּקָרוֹב:

אָבִינוּ מַלְכֵּנוּ. הָרֵם קֶרֶן יִשְׂרָאֵל עַמֶּךָ:

אָבִינוּ מַלְכֵּנוּ. הָרֵם קֶרֶן מְשִׁיחֶךָ:

אָבִינוּ מַלְכֵּנוּ. מַלֵּא יָדֵינוּ מִבִּרְכוֹתֶיךָ:

אָבִינוּ מַלְכֵּנוּ. מַלֵּא אֲסָמֵינוּ שָׂבָע:

אָבִינוּ מַלְכֵּנוּ. שְׁמַע קוֹלֵנוּ חוּס וְרַחֵם עָלֵינוּ:

אָבִינוּ מַלְכֵּנוּ. קַבֵּל בְּרַחֲמִים וּבְרָצוֹן אֶת תְּפִלָּתֵנוּ:

אָבִינוּ מַלְכֵּנוּ. פְּתַח שַׁעֲרֵי שָׁמַיִם לִתְפִלָּתֵנוּ:

אָבִינוּ מַלְכֵּנוּ. זָכוֹר כִּי עָפָר אֲנָחְנוּ:

אָבִינוּ מַלְכֵּנוּ. נָא אַל תְּשִׁיבֵנוּ רֵיקָם מִלְּפָנֶיךָ:

אָבִינוּ מַלְכֵּנוּ. תְּהֵא הַשָּׁעָה הַזֹּאת שְׁעַת רַחֲמִים וְעֵת רָצוֹן מִלְּפָנֶיךָ:

אָבִינוּ מַלְכֵּנוּ. חֲמוֹל עָלֵינוּ וְעַל עוֹלָלֵינוּ וְטַפֵּנוּ:

אָבִינוּ מַלְכֵּנוּ. עֲשֵׂה לְמַעַן הֲרוּגִים עַל שֵׁם קָדְשֶׁךָ:

אָבִינוּ מַלְכֵּנוּ. עֲשֵׂה לְמַעַן טְבוּחִים עַל יִחוּדֶךָ:

אָבִינוּ מַלְכֵּנוּ. עֲשֵׂה לְמַעַן בָּאֵי בָאֵשׁ וּבַמַּיִם עַל קִדּוּשׁ שְׁמֶךָ:

אָבִינוּ מַלְכֵּנוּ. נְקוֹם נִקְמַת דַּם עֲבָדֶיךָ הַשָּׁפוּךְ:

אָבִינוּ מַלְכֵּנוּ. עֲשֵׂה לְמַעַנְךָ אִם לֹא לְמַעֲנֵנוּ:

אָבִינוּ מַלְכֵּנוּ. עֲשֵׂה לְמַעַנְךָ וְהוֹשִׁיעֵנוּ:

אָבִינוּ מַלְכֵּנוּ. עֲשֵׂה לְמַעַן רַחֲמֶיךָ הָרַבִּים:

אָבִינוּ מַלְכֵּנוּ. עֲשֵׂה לְמַעַן שִׁמְךָ הַגָּדוֹל הַגִּבּוֹר וְהַנּוֹרָא שֶׁנִּקְרָא עָלֵינוּ:

אָבִינוּ מַלְכֵּנוּ. חָנֵּנוּ וַעֲנֵנוּ כִּי אֵין בָּנוּ מַעֲשִׂים עֲשֵׂה עִמָּנוּ צְדָקָה וָחֶסֶד וְהוֹשִׁיעֵנוּ:

 

קבלת עול מלכות שמים

שְׁמַע יִשְׂרָאֵל ה' אֱלֹהֵינוּ ה' אֶחָד:

ה' הוּא הָֽאֱלֹהִים ה' הוּא הָֽאֱלֹהִֽים: ז' פעמים

ה' מֶלֶךְ. ה' מַלַךְ. ה' יִמְלֹךְ לְעֹלָם וָעֶֽד: ב' פעמים

אָנָּא ה' הוֹשִׁיעָה נָּא:  אָנָּא ה' הַצְלִיחָה נָא: